Kuz-qish mavsumiga tayyorgarlik darajasi o‘rganildi

Bugun Angren shahrida joylashgan Angren issiqlik elektr stansiyasida 2025–2026-yillar kuz-qish mavsumida ishlab chiqarish barqarorligini ta’minlash bo‘yicha tayyorgarlik holati o‘rganildi.

O‘rganish jarayonida O‘zbekiston Respublikasi Prezidenti Administratsiyasi, Energetika vazirligi, shuningdek, Angren shahar hokimligi mas’ullari ishtirok etdi.

Tadbir doirasida “Kuz-qish mavsumida yuzaga kelishi mumkin bo‘lgan favqulodda holatlarga tayyorgarlik darajasi” mavzusida stansiyaning tezkor guruhlari ishtirokida amaliy sinov mashqlari o‘tkazildi.

Mutasaddilar tomonidan stansiyada avariyaviy holatlarning oldini olish, sovuq mavsum davomida generatsiya jarayonlarining uzluksizligini ta’minlash, uskunalarning barqaror va bir maromda ishlashini nazorat qilish, texnik va mehnat xavfsizligi qoidalariga qat’iy rioya etish, shuningdek, xodimlarning xavfsizligiga alohida e’tibor qaratilishi lozimligi ta’kidlandi.

Kuz-qish mavsumida Angren shahri iste’molchilarini issiqlik va elektr energiyasi bilan uzluksiz ta’minlash maqsadida, tasdiqlangan ta’mirlash dasturi asosida stansiyada 2 ta qozon agregati, 1 ta energoblok va 2 ta turboagregatda ta’mirlash ishlari amalga oshirildi.

“Angren IES” AJ Matbuot xizmati